G-1格斗会II

前名《G-1格鬥會II》，係香港電視娛樂製作嘅真人騷節目，《G-1格鬥會》嘅第二輯，2018年1月22號到2月9號逢禮拜一到五22:00-22:30喺viuTV播，最後一集加長版喺2月11號禮拜日20:30-21:30播，一共16集。節目同上一輯一樣，請咗8位未打過綜合格鬥（MMA）擂台比賽嘅出名女仔參加，佢哋會先到日本接受特訓，再互相隻揪。主持係陳安立、費明海、Vivek Mahbubani。
　　參賽者有8位，原本名單分別係蔡嘉燕、余智嘉、張可義、麥家琪、何慈茵、麥紫莉、馬倩宜、孟嘉儀，但由於孟嘉儀喺日本特訓之前腰部受傷，經醫生意見之後決定退出，改派咗梁婉微後補上陣。
　　今次比賽規則係八強賽打淘汰制，每場輸咗嘅就會即時出局，晉級嗰四位就會打單循環，贏最多場數嗰兩位就會晉身總決賽爭奪冠軍寶座。